EHUko Euskara Institutuko buru

Arduraduna aldatuko dute EHU Euskal Herriko Unibertsitateko Euskara Institutuan: Pello Salaburuk erretiroa hartu du, eta Miren Azkarate izango da zuzendaria. Euskararen azterketa leku pisuzkoa da EHUren Euskara Institutua, eta datu base mardulak osatzen ari da. Hizkuntzalaritzan bide oparoa egin du Azkaratek; euskaltzain osoa da 1992tik. Politikan ere ibilbide luzea izan du. Institutuan gogoeta iragarri du: «Ingurune digitalak eskaintzen dituen aukerak hain azkar aldatzen ari diren garaiotan, zein proiektu motari heldu behar diogun hurrengo urteotan».