Ikasle Ekintzak antolatu du galdeketa Euskal Herriko Unibertsitateko ikasleen artean. 3.918 ikaslek eman dute botoa, eta horietatik %99,11k egin dute graduak hiru urtean eta graduondokoak bi urtean egituratzeko neurriaren aurka. Gainera, %96,81ek bozkatu dute unibertsitatea demokratizatzearen alde.
Emaitzarekin pozik azaldu da Ikasle Ekintza, eta erreferendumean lanean jardun duten ikasleak zoriondu ditu; baita botoa eman duten ikasleak ere. "Borrokan" jarraitzera deitu ditu ikasleak, hezkuntza eredu "eraldatzailea" eraikitzeko.
