Lesbiana feministek egindako bidea aitortu nahi izan du EHGAMek, eta horregatik eman diete Urrezko Hirukia 1983an Errenterian, Gipuzkoan, Euskadiko Lesbianen Topaketak antolatu zituztenei. Duela berrogei urte irekitako bideari eskerrak emateko modua izan da. Orduko hartan 250 pertsona elkartu ziren Errenterian, lesbianek euren kabuz antolatzeko premia bazegoela pentsatuta.
Saria jaso dutenek, eskerrak ematearekin batera, gogoan izan dituzte bidean geratu direnak, ez daudenak, eta bide hori egin zedin lan egin zutenak.
