EH Kom telekomunikazio operadorea sortu dute, arrakala digitala gainditzeko

ANDOAIN. Euskal Herrian dagoen arrakala digitala gainditzeko helburuarekin, EH Kom telekomunikazio operadore publiko-komunitarioa sortu du Udalbiltzak, Izarkom telekomunikazio operadore kooperatiboarekin eta Hiritik At kooperatibarekin elkarlanean. Proiektuaren helburua da Interneterako konexioa pertsona guztien eskura jartzea, eta, horregatik, herritik eta herritarrentzat sorturiko sarea izango da. Hori lortzeko, udalerrietan sare ireki, neutro, libre eta publiko-komunitarioak sustatu, garatu eta kudeatu nahi dituzte.