Egiari Zor fundazioak «txalotu» egin du Poliziaren 46 biktima aitortu izana

GASTEIZ. Polizia indarkeriaren beste 46 biktima ofizialki aitortzeko eskatu zuen herenegun Poliziaren Biktimen Balorazio Batzordeak Eusko Legebiltzarrean, urteko txostena aurkeztean, eta urrats hori goratu du Egiari Zor fundazioak, ohar bidez: «Aitortza ofizial berri hauek txalotu behar ditugu». 1961etik 1997ra gertatu ziren erasook, eta sei emakumek eta 40 gizonek jasan zituzten.