Iaz bezala aurten, 1.930.000 euroko aurrekontuarekin lan eginen du EEPk; Eusko Jaurlaritzak aurrekontuari egiten dion 400.000 euroko ekarpena ere ez da aldatu. Goizean egin dute prentsaurrekoa Maider Behotegi EPP Euskararen Erakunde Publikoko lehendakariak eta Ibone Bengoetxea Eusko Jaurlaritzako lehendariorde eta Kultura eta Hizkuntza Politikako sailburuak: 2025erako programa eta 2025-2029 epealdirako hitzarmena izenpetu dituzte.
Ikusi gehiago
Abenduan, erabaki zuten EEP krisi egoeratik ateratzeko urtebeteko epea hartzea, baina, lau hilabeteren ondotik, egoera orduan bezain beltza da: ez da ezer aldatu. Euskal Elkargoak izan ezik, gainerako erakundeek ez dute diru gehiago eman nahi euskararen aldeko hizkuntza politikarako.
Bi partaideek hornitzen duten aurrekontua bi dirutza multzotan bideratuko da: alde batetik, Ipar Euskal Herriko euskararen elkarte eragileak diruztatuko dituzte, eta, bestetik, eragile pribatuei zuzentzen zaien hizkuntza jardueren Proiektu Deialdia irekiko dute.
Behotegik hitzarmenaren bost lan ildoak oroitarazi ditu: euskararen transmisioa, hizkuntzaren erabilera, hizkuntzaren kalitatea, hizkuntzaren aldeko motibazioa, eta euskararen eragileen arteko zubiak eraikitzea.
Hitzarmen «egonkorra» berrestearekin, «komunitate sentipena» sustatzeko gogoa agertu du Bengoetxeak: EEPren eta Eusko Jaurlaritzaren arteko bosgarren hitzarmena da 2025-2029 epealdikoa, bi instituzioen arteko «konfiantza finkatzen duena», Behotegiren ustez.
