Dozenaka 'jaka hori' bildu dira Baionan, eta sindikatu eta alderdi batzuk ere batu dira

BAIONA. Jaka Horiek 48. agerraldia egin zuten atzo Baionan. Dozenaka lagun bildu ziren; CGT eta Solidaires sindikatuek eta Frantzia Intsumisoak bat egin zuten mobilizazioarekin, «borroken bateragarritasuna» posible dela erakusteko. Ospitalean, auzitegian, herriko etxean eta geltokian hitzaldiak egin zituzten, «justizia soziala» aldarrikatzeko eta zerbitzu publikoetan baliabide gehiago galdetzeko. Erretreten erreforma berria ere gaitzetsi zuten.