Espainiako Gobernuko ministroen kontseiluaren osteko agerraldian jakinarazi dute Denis Itxasok jarraitu egingo duela Espainiako Gobernuko EAEko ordezkari gisa. 2020an hartu zuen kargua, eta horretan jarraituko du.
Itxaso PSE-EEko kidea da. Donostiako Udalean hasi zuen bide politikoa, 2003an, zinegotzi gisa. 2015etik 2020ra Gipuzkoako Foru Aldundian egon zen, Kultura, Turismo, Gazte eta Kirol diputatu gisa.
Espainiako Gobernuaren Nafarroako ordezkaria, berriz, Alizia Etxeberria izango da. Faltzeskoa PSNko idazkari nagusia izan da azken hogei urtean, eta zinegotzi ere bai hango udalean hiru legealditan.
