Espainiako Gobernuak Denis Itxaso Gipuzkoako Kultura, Lankidetza, Gazteria eta Kirol diputatua (Donostia, 1975) izendatuko du Espainiako Gobernuak Euskal Autonomia Erkidegoan duen ordezkari. Datorren asteartean egingo du izendapena ofizial, gobernu kontseiluaren bileran.
"Elkarbizitza eta memoria demokratikoa. Garapen ekonomikoa, babes soziala ta berdintasuna. Ingurumena zaindu. Kultura ta euskara bultzatu. Horiexek Espainiako gobernu progresistaren lehentasunak Euskadin.Eskerrik asko bihotzez @sanchezcastejon presidentea nigan konfidatzeagatik", idatzi du Itxasok berak sare sozialetan.
Itxaso Politika Zientzietako lizentziaduna da, eta hemeretzi urte daramatza kargu instituzionaletan, PSE-EEn. Zinegotzi izan da batez ere; Pasaian bi urte egin zituen, eta Donostian, hamalau. Azken urteak Gipuzkoako Foru Aldundian egin ditu, ahaldunorde nagusi gisa.
Itxasok Jesus Loza ordezkatuko du karguan. 2018ko ekainetik zen Espainiako Gobernuaren ordezkari.
