Ertzaintzak jakinarazi du lehengo larunbatean Bergaran Deba ibaian hilik azaldu zen 46 urteko gizonezkoari labana batez egin ziotela eraso, gorpuak arma zuriz egindako hainbat zauri zituelako.
San Antonio kalearen parean aurkitu zuten gorpua, 13:00ak aldera, eta, suhiltzaileek erreskatatu ostean, Donostiako Auzitegiko Institutu Anatomikora eraman zuten.
Hildakoa Bergarako bizilagun bat da, Ertzaintzak dioenez.
