Covitek ez du helegiterik aurkeztuko Altsasuko auziaren epaiaren aurka

ALTSASU. Espainiako Auzitegi Nazionaleko Apelazio Salak Altsasuko auziko zigor gehienak berretsi eta gero, Covite elkarteak jakinarazi du ez duela ebazpenaren aurkako helegiterik aurkeztuko Auzitegi Gorenean. Hala ere, Ruben Mujika elkarteko abokatuak zehaztu du «arrazoi teknikoak» daudela erabaki horren atzean eta ez dutela auzia uzteko asmorik. Fiskalak ere esana du ez duela helegiterik jarriko.