Confebask: «Harreman ona eduki beharra daukagu Espainiarekin»

Araba, Bizkai eta Gipuzkoako patronalak «ihes» egin nahi dio «eztabaida politikoari», eta Espainiako Gobernuaren eta Kataluniakoaren arten sortu den krisi politikoa euskal lurraldeetan errepikatuta ikusi nahi du. Confebaskeko lehendakari Miguel Angel Lujuaren ustez, «Euskadik harreman onak izan behar ditu Espainiarekin», euskal enpresaren «bezero nagusi» delako. Hala esan zuen atzo Radio Euskadin egin zioten elkarrizketan: «Espainia oso merkatu garrantzitsua da guretzako, eta bezero nagusiarekin harreman onak izan behar dira, beti, ongi tratatu behar da. Bestela, gauzak gaizki egiten ariko ginateke».