Cabezudoren biktimen abokatuak epaile bati 60.000 euro ordaindu beharko dizkio

IRUN. Kote Cabezudoren biktimen abokatu Mario Diezek 60.000 euroko kalte ordaina eman beharko dio kasu horretako epaile izandako Ana Isabel Perez Asenjori, hedabideetan eta sare sozialetan haren «ohorearen eta irudiaren aurkako adierazpenak» egiteagatik. Irungo (Gipuzkoa) epaitegi batek kaleratu du sententzia, eta, kalte ordainaz gain, «eragindako kalte moralengatik» interes legalak ere ordaindu beharko ditu, eta prozesu judizialaren kostuak ere bere gain hartu.