Borotrak 30.000 euro ordaindu beharko ditu 5.000 isun inguru kentzeagatik

MIARRITZE. Paueko Kasazio Auzitegiak epai irmoa eman du Didier Borotra Miarritzeko (Lapurdi) alkate ohiaren auzian: 30.000 euroko zigorra ezarri dio, 1991 eta 2014 artean —alkate zela— 5.000 isun baino gehiago kentzeagatik, asko zirkulaziokoak. Hasieran espetxe zigorra ere jarri zioten, baina helegitea ipini zuen Borotrak.