BAIONA. Baionako Suprefetura aitzinean, baxoa euskaraz igarotzearen aldeko bizikletaldia aurkeztu zuten atzo Estitxu Robles kolegioko ikasleek. Apirilaren 18an abiatuko dira Bordeleko Errektoretzatik, eta 22an iritsiko dira Baionara, euskalgintzak antolatuko duen manifestaziorako. Hogei ikasle inguruk egingo dute ibilbidea. Eta ekitaldi berezia proposatu dute azken etapa haiekin bizikletaz bukatu nahi dutenentzat: Bokaleko (Lapurdi) merkatuko plazan izango da, 16:30ean .
Izan ere, Paristik berririk ez du oraino Seaskak. Eta oraingoz borrokan segituko dutela azpimarratu du Peio Jorajuria Seaskako lehendakariak: «Gure eskaera ez zen brebetara mugatzen, bistan dena; gu ari gara azterketa guztiak euskaraz pasatzeko eskubidearen alde».
Ideia Bordelen egin mobilizazio batetik etorri zitzaien kolegioko ikasleei. Bidaia autobusez egitea biziki «ekologikoa» iruditu ez zitzaienez, bi ikasle hasi ziren ideia garatzen, hasieran «irri egiteko» bazen ere.
Bordeletik Baionara bizikletaz, baxoa euskaraz eskatzeko
Estitxu Robles kolegioko hogei ikaslek hartuko dute parte: euskalgintzaren manifestaziora iritsiko dira
Iruzkinak
Ez dago iruzkinik
Ordenatu
