Bikarioa, gotzain laguntzaile

Bilboko gotzain laguntzaile izendatu dute Joseba Segura (Bilbo, 1958). 2017an itzuli zen Bizkaira, aurreko urteak Latinoamerikan igaro eta gero. Mario Izeta gotzainak iazko martxoan izendatu zuen bikario nagusi, eta gotzain laguntzailea izango da apirilaren 6tik aurrera. Euskalduna da.

Segurak aitortu du Bizkaiko eliza ez dagoela egoera «errazean». Deustuko Salestarren ikastetxeko sexu abusuak hizpide dira asteotan. 1998tik aurrera, ETAren eta Espainiako Gobernuaren arteko elkarrizketetan aritu zen Segura.