Bihar egingo dira bikotekideak kolpeka hildako Begoña Bohoyoren hiletak

19:30etan egingo da protesta ekitaldia, Bulebarrean. Nolanahi ere, atzo bertan egin ziren beste salaketa ekintza batzuk: Pasaia Antxoko herritarrek elkarretaratze bat egin zuten, eta Hendaiako Udalak (Lapurdi) antolatuta beste bat egin zen han.

Izan ere, Bohoyo eta haren bikotekide eta erasotzaile X.P.A.E. gipuzkoarrak ziren, baina Hendaian bizi ziren. Hain justu, Hendaian elkarrekin bizi ziren etxean hiru egunez bahituta izan zuen gizonezkoak Bohoyo, eta hiru egun horietan hainbatetan jo zuen etxetik alde egitea lortu zuen arte.

Bizilagun bati laguntza eskatu, eta hark Irungo Ertzaintzaren polizia-etxera eraman zuen, eta gertatutako salatu ostean, segituan erietxera eraman zuten —aurrena Bidasoako Eskualdeko Ospitalera, eta gero, zauriak oso larriak zirela-eta Donostiako Ospitalera—. Nolanahi ere, Ertzaintzak ez zuen erasotzailea segituan atxilotzeko ekimenik hartu, eta, gainera, epaileak lehendabizi aske utzi zuen. Gero, emakumearen osasunak txarrera egin zuen eman zuen epaileak X.P.A.E. berriro atxilotzeko agindua. Atzo, Martuteneko (Gipuzkoa) espetxean sartu zuten.