Zarauzko Salbatore Mitxelena ikastolako hormak belztuta topatu dituzte. Bart bi su egin zituzten eraikineko patioan, eta kalteak eragin dituzte. Urola Kostako Hitza-k jasotakoaren arabera, kea solairu guztietako geletara hedatu zen, eta bai fatxada eta bai eraikinaren barrualdea belztu ditu. Gainera, zenbait leiho hautsi dituzte.
Patioko iturriaren alboan zeuden plastikozko edukiontzi batzuk erre zituzten sua pizteko. Udaltzaingoa eta Ertzaintza zer gertatu den ikertzen ari dira.
