Bi pertsona ospitalera eraman behar izan dituzte bart, Gasteizen su hartutako etxe batean kea arnastuta. Sua 02:40 inguruan piztu da, Gaztelako atearen kaleko 106. eraikinean, laugarren pisuko etxe batean. Sua nola piztu den ikertzen ari da Ertzaintza.
Suaz ohartarazita, bizilagunek eraikina utzi behar izan dute. Zauritu larririk ez da izan, baina bi pertsona ospitaleratu behar izan dituzte kea arnasteagatik. Eusko Jaurlaritzako Segurtasun Sailak jakinarazi duenez, bi ertzain ere artatu dituzte, kea arnasteagatik horiek ere. Suhiltzaileek sua itzali ostean, bizilagunak etxera itzuli ahal izan dira.
