Hernanin 21 urteko gazte bat atxilotu zuen Ertzaintzak, atzo arratsaldean. Dei bati erantzunez joan zen etxe batera, eta han aurkitu zuten emakumearen arabera, bikotekideak hainbatetan bultza egin zuen, eta ordenagailuaren bozgorailuarekin kolpe batzuk eman zizkion. Genero indarkeria leporatuta eraman zuten gizona ertzainek.
Andoaingo beste etxe batera ere joan behar izan zuen atzo Ertzaintzak. Emakumeak kontatutakoa onartu egin zuen 28 urteko gizonak, eta atxilotuta eraman zuten poliziek.
