Beltran de Heredia: «Praxi akatsa izan zen Cabacasena»

2018ko abenduaren 19a
00:00
Entzun 00:00:0000:00:00
BILBO. Estefania Beltran de Heredia Eusko Jaurlaritzako Segurtasun sailburuak aitortu du Ertzaintzaren pilotakada batez Iñigo Cabacas hil zen polizia operazioan «praxi arazoak eta deskoordinazioa» egon zirela. Gaineratu du gertatutakoaren ondorioz protokoloak, jarduteko erak eta materiala aldatu dituela Ertzaintzak, eta oroitarazi du Rodolfo Ares Segurtasun sailburu zela hasi zela «hausnarketa aro hori». Gainera, EH Bilduri leporatu dio etekin politikoa atera nahi izatea.

Iñigo Urkullu Jaurlaritzako lehendakariak ere esan du EH Bildu politikoki «erabiltzen» ari dela Cabacasen heriotza «konponezina», eta nabarmendu du «zoritxarreko gertakari» horrek balio izan duela aritzeko metodologiak aldatzeko. Gainera, oroitarazi du EAJ ez zegoela orduan gobernuan, eta erantzukizuna ez zela izan EAJrena.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Kazetaritza propio eta independentearen alde, 2025 amaierarako 3.000 irakurleren babes ekonomikoa behar du BERRIAk.