Bake prozesuaren aldeko ekitaldia egingo dute asteartean, Bruselan

BRUSELA. Hilaren 29an bost urte beteko dira nazioarteko hainbat lagun ezagunek Bruselako Adierazpena aurkeztu zutenetik, eta hura gogoratzeko eta Euskal Herriko bake prozesuari beste bultzada bat emateko, datorren asteartean ekitaldi bat egingo dute Bruselan bertan, Europako Parlamentuan. Friendship prozesuaren aldeko taldeak antolatu du, eta kanpaina baten berri emango dute. Euskal Herritik ordezkari batzuk izango dira astearteko ekitaldian. Brian Currin Hegoafrikako abokatuak ere parte hartuko du. Ekitaldian, musika ere izango da. Fermin Muguruza eta beste musikari batzuk ariko dira.