Baionako ospitaleko zuzendari berriak langileen aldeko jarduna hobetsi nahi du

BAIONA. Frederic Espenel izanen da Baionako ospitaleko zuzendari berria. 50 urte ditu, eta 20 urte baino gehiagoko esperientzia du ospitaleetako zuzendari gisa. Atzo aurkeztu zuen bere burua hedabideen aitzinean, eta, Baionako ospitalearen jarduerari buruzko datuak emateaz gain, nabarmendu nahi izan zuen «garrantzi handia» emanen diola langileen lan baldintzak hobetzeko elkarrizketa sozialari.