Azken egunak, taldekideen babesean

EH Bilduko taldekideen babesean sartu zen atzo Hasier Arraiz Eusko Legebiltzarrera. Sortuko presidenteaSegurako auziagatik zigortu zuen asteartean EAEko Auzitegi Nagusiak, eta, berriz espetxera joan beharrik ez duen arren, inhabilitatuta geratu da legebiltzarkide lanerako. Beraz, auzitegiaren sententzia Eusko Legebiltzarrera iristean, kargua utzi beharko du Arraizek —datorren asterako espero dutela azaldu dute koalizioko kideek—. Litekeena da, beraz, atzokoa izatea haren azkenengo ohiko batzarra.