Iruñe eta Tutera arteko ibilbidea egiten duen autobus bat errepidetik atera da A-15 autobidean, Tebas-Muru Artederretan, 13:00 aldera. Gidaria eta 11 bidaiari zauritu dira. Gidariak —50 urteko gizona— izan ditu zauririk larrienak, eta Nafarroako Ospitale Unibertsitariora eraman dute. Baita autobuseko sei bidaiari ere, baina horiek zauri arinekin. Beste bost bidaiari Noaingo osasun etxera eraman dituzte.
22 bidaiari zihoazen autobusean, eta beste autobus bat eraman dute istripuaren lekura, gainerako bidaiariek bidaia jarraitu ahal izateko.
Cordovillako suhiltzaileak, anbulantziak eta guardia zibilak joan dira istripua gertatu den lekura.
