Gizon bat hil da gaur goizean Zumarragan (Gipuzkoa), auto istripu batean. Eusko Jaurlaritzako Segurtasun Sailak adierazi duenez, GI-2632 errepidean gertatu da ezbeharra, Ezkio-Itsasorako noranzkoan; autoak baserri bat jo du, eta su hartu.
Anbulantzia bat joan da ezbeharra gertatu den lekura, baina ezin izan dute gidaria suspertu. Ertzaintzak ikerketa abiatu du, zer gertatu den argitzeko.
