OME Osasunaren Munduko Erakundeak SARS-CoV-2 birusaren beste aldaera bat du aztergai: mu aldaera. Erakundeak zehaztu duenez, aldaera hori Kolonbian atzeman zen lehenbiziko aldiz, urtarrilean. Gainera, jakinarazi du dagoeneko aldaera horretako zenbait kasu zenbatu direla Hego Amerikako eta Europako herrialde batzuetan.
OMEk azaldu duenez, baliteke mu aldaerak beste aldaera batzuek baino gaitasun handiagoa izatea immunitatea emateko terapiei ihes egiteko. Orain arte egindako ikerketek agerian utzi dutenez, txertoen eraginkortasuna txikixeagoa izan liteke aldaera horren kontra, beta aldaeraren aurka gertatu bezala. Hala eta guztiz ere, OMEk nabarmendu du ikerketa gehiago behar direla hori baieztatzeko.
