Giza Eskubideen Europako Auzitegiak Espainia zigortu ondoren, Eusko Legebiltzarreko presidente Bakartxo Tejeriak harrera egingo die asteartean Juan Mari Atutxari, Gorka Knorri eta Kontxi Bilbaori.Legebiltzarreko harrera aretoan hartuko ditu hirurak, 12:30ean. Legebiltzarkide guztiek jaso dute ekitaldira joateko gonbidapena.
Atutxa Euskadi Irratian elkarrizketatu zuten atzo goizean, eta hark legebiltzarreko presidente gisa egindako lanaren «duintasuna» defenditu zuen. Ez duela barkamenik espero gaineratu zuen. Horrez gain, Atutxak ukatu egin zuen Ertzaintzak inoiz torturatu duela. Barne sailburua izan zen garaiko autokritikarik egiten ote duen galdetuta, erantzun zuen 1995ean Lasa eta Zabalaren gorpuzkiak iritsi zirenean hartutako erabakiak aldatuko lituzkeela: «Irudia penagarria izan zen, kolpeak, odola...».
Atutxa, Knorr eta Bilbaori harrera legebiltzarrean
Iruzkinak
Ez dago iruzkinik
Ordenatu
