Aske geratu da Ekaitz Sirvent euskal presoa, hamahiru urteko zigorra beteta

MONT-DE-MARSAN. Ekaitz Sirvent euskal presoa aske geratu zen atzo, hamahiru urteko espetxe zigorra bete ostean. Mont-de-Marsango kartzelan geratzen zen azken euskal presoa zen. 2009an atxilotu zuten, Parisen, eta 2013an zigortu zuten, ETAren iraultza zerga biltzea egotzita, eta hemezortzi urteko kartzela zigorra ezarriz zioten. Ordutik, La Sante, Tarascon eta Reau espetxeetan egon zen preso, 2018an Mont-de-Marsanera gerturatu zuten arte. Egun, 189 euskal preso daude; horietatik hemeretzi, Frantziako kartzeletan.