Artolazabalek «lankidetza» eskaini die biktimei

GASTEIZ. Terrorismoaren Biktimen Partaidetzarako Euskal Kontseiluaren ordezkaritza batek, buru zeuzkalarik Jose Luis de la Cuesta presidentea eta Beatriz Artolazabal Jaurlaritzako Berdintasun, Justizia eta Gizarte Politikako sailburua, batzar bat egin zuen atzo Iñaki Subijana Euskal Autonomia Erkidegoko Auzitegi Nagusiko presidentearekin. Bileran, dokumentu bat eman zioten Subijanari, biktimen alorreko politika publikoen «oinarri inspiratzailea» dena. Artolazabalek «lankidetza leiala» hitzeman die biktimei: «Biktimak lehentasunezkoak dira gobernu honentzat eta niretzat».Era berean, haien «erresilientzia eta eskuzabaltasuna» aitortu du, eta goraipatu biktimek erakutsitako «jarrera konstruktiboa, indarkeriaren erabateko deslegitimazioarekin eta guztion eta guztiontzako etorkizuna eraikitzearekin».