Ardurak onartzeko eskatu die Durangok Espainiari eta Italiari

DURANGO.1937ko bonbardaketan izan zuten erantzukizuna onartzeko eskatu die Durangoko Udalak Espainiari eta Italiari; barkamena eskatzeko «herritar zibilen kontra egin zituzten delitu larriengatik». Udalak atzo onartu zuen Durango 1936 kultur elkarteak memoria historikoaren alde aurkezturiko mozioa. Urte luzeetan egia ezkutatzen saiatu izana salatu du udalak.