Antzuolan gizon bat hil da, garajetik elurra kentzen ari zela irrist eginda

57 urteko gizonezko bat hil da gaur goizean Antzuolan (Gipuzkoa), bere garaje atarian zeuden elurra eta izotza kentzen ari zela irrist egin eta kolpea hartuta.

Ertzaintzak jakinarazi duenez, beste lagun batekin ari zen zeregin horietan. 7:40an izan du ezbeharra. Donostiako Forentse Klinikora eraman dute gorpua.

Adarran lau mendizale erreskatu dituzte

Ertzaintzak lau mendizale erreskatu ditu Adarran (Gipuzkoa), onik. 112 larrialdi zerbitzuetako telefono zenbakian atzo arratsaldeko seiak aldera jaso zuten abisua, Donostiako lau lagun mendi hartan galduta zeudela esanez. 21:15 aldera topatu zituzten. Inor ez dago zaurituta.

Euskal Herria zurituta dago gaur, kostaraino heldu baita elurra.