Antimilitarismoaz hausnar eginez amaitu du jardun publikoa Bidea Helburuk

Bidea Helburu taldeak jardun publikoari utzi dio, atzo Donostian egin zituen Indarkeria-eza Aktiboari Buruzko X. jardunaldiak bukatuta. Dokumental bat egiten eta webgunea zabaltzen jarraituko du, baina ziklo bat itxi du taldeak. Duela hamarkada bat, «desobedientzia zibilaren kontrako kriminalizazio» testuinguruan, sortu zen taldea, tresna horrek zabaltzeko egokierarik onena ez zuen garaian. «Eszenatokia aldatu egin da», taldekideen esanetan, eta beste zereginetan jarraituko dute taldekideek. Atzo topaketak egin zituzten Donostian, Bakearen Etxean. Euskal Herrian sortzen ari den egoera politiko berriaz eta antimilitarismoak etorkizunean jorra ditzakeen bideez hausnartuz itxi zuten topaketen zikloa.