Ertzaintza ikertzen ari da bart Anoetan zendu zen gizonaren heriotza. Txuri-urdinek Real Madrileko jokalariak hartu zituzten etxean. Partida hasi aurretik, ordea, zale bat erori egin zen estadiora sartzen ari zela, 5 atearen inguruan, eta kolpe gogorra jaso zuen buruan. Osasun zerbitzuek Donostia Ospitalera eraman zuten gizona, eta bertan hil zen.
Realak hau adierazi du sare sozialetan zabaldu duen mezu batean: «Realak biziki deitoratzen du atzo Reale Arenara sartzera zihoala hil zen Klubeko bazkide bat galdu izana. Goian bego». Realeko jokalariek besoko beltzekin jokatuko dute asteartean Mallorcan, eta minutu bateko isilunea egingo dute Anoetan, hilaren 28an Valenciaren aurka jokatuko duen partidan.
⚫️ Realak biziki deitoratzen du atzo Reale Arenara sartzera zihoala hil zen Klubeko bazkide bat galdu izana. Goian bego. https://t.co/rbx2rpzxoc
— Real Sociedad Fútbol (@RealSociedadEUS) September 15, 2024
