Animalien askapenaren alde protestan

Dozenaka herritarrek manifestazioa egin zuten atzo Bilbon, mugimendu antiespezista andanak deituta. «Orroek plazak bete ditzaten» eskatu zuten, «esplotatutako eta giltzapetutako» animalien alde. Maialen Sagues Nor kolektiboko ordezkariak Caparrosoko (Nafarroa) makroetxaldea eta antzeko azpiegiturak salatu zituen, eta EAJk eta PSE-EEk sustatutako etxeko animaliak babesteko lege proiektua ere kritikatu zuen; izan ere, protestaren deitzaileen ustez, «animaliak nola ustiatu arautzen du» legeak.