Soziologoa, nekazaritza gaietan aditua

1932an jaio zen Andoni Lekuona, Oiartzunen (Gipuzkoa). Parisen soziologia ikasi zuen, eta nekazaritzaren arloko ikerketetan aritu zen; bereziki, baserrietako egoera aztertu zuen. Siadeco ikerketa zentroaren sortzaileetako bat ere izan zen. Ostiralean hil zen. Kantagintzan ere lorratza utzita joan da; Manuel Lekuona euskal letren ikertzailea zuen osaba, eta Juan Mari eta Julen anaiek alorrean bazuten itzala. Hainbat kanturen itzultzaile, ale gogoangarriak laga zituen.