Eusko Jaurlaritzako Hezkuntza sailburu Cristina Uriarteren telefono dei baten bidez, atzo Gregorio Monreal (Etaiu, Nafarroa, 1942) ikertzaileak jakin zuen 2013. urteko Euskadi Ikerkuntza Saria beretzat izango dela. Hamabi hautagairen artean hautatu dute gizarte zientzien eta humanitateen arloko bost ikertzailek, epaimahai batean elkartuta. Nabarmendu dute Euskal Herriko ikasketa historiko eta juridikoen arloan «berrikuntza» ekarri duela Monrealen jardunak, mugarriak jartzerainokoa: «Bere ikerketetan azalera atera du euskal erakunde publikoen garrantzia, herri baten nortasunaren erakusle gisa, eta mendeetan zehar iraun duen parte hartze eta askatasun espiritualaren erakusle gisa».
Epaimahaiko kideek erreparatu diote, baita ere, irakasle gisara Monrealek egindako ekarpen berebizikoari: EHUn zein NUPen jarduna da, eta jakintzaren eremu guztietan «lehen mailako ikerketa» sustatzen jardun duela adierazi dute. 1992-1996 urteen artean Eusko Ikaskuntzako lehendakaria izan zen, eta jakintzarekin lotutako beste hainbat erakunderekin ere lotura estua du.•
Pertsonaia. Gregorio Monreal
Ikasketa historiko eta juridikoen berritzaile
Iruzkinak
Ez dago iruzkinik
Ordenatu