Ana Beltran aukeratu dute Nafarroako PPren buru, %81,4ko babesarekin

HERRIA. Nafarroako PPk bere VII. kongresua egin zuen atzo, eta han aukeratu dute Ana Beltran alderdiko presidente. Batzarrean parte hartu duten afiliatuen botoen %81,4 eskuratu ditu Beltranek; bera zen hautagai bakarra. Kargua hartzean, PPNren presidente berriak dei egin du Nafarroa «desagerrarazi nahi dutenengandik» defendatzera. «Barkosen Gobernuak bide orri bakarra du: abertzaleena», esan du.