Espainiako Auzitegi Nazionalak 85 urteko espetxe zigorra jarri dio Ana Belen Egues euskal presoari. Epaiketan, aitortu egin zuen 2000ko abuztuaren 8an Madrilen atentatu bat egin izana; «kalte terrorista handiak» eragitea eta zazpi hilketa saiakera egitea egotzi diote.
Fiskaltzak 121 urteko espetxe zigorra eskatzen zuen, baina jaitsi egin du epaileak azkenean. Hark ebatzi duenez, Eguesek bere taldekide batzuek bonbak jartzeko erabili zuten autoa lapurtu zuen, eta haren ardura izan zen dinamita garraiatzea ere. Leherketaren ondorioz, 11 pertsona zauritu ziren, horietako bi haurrak.
Egues Elduaingoa da (Gipuzkoa), eta Zaballako espetxean dago gaur egun (Araba).
