Amaia Izkok Iruñeko zinegotzi kargua utzi du, inhabilitazio zigorra betetzeko

IRUÑEA. Amaia Izko abokatu eta EH Bilduren Iruñeko zinegotziak atzo utzi zuen zinegotzi kargua. Izan ere, 11/13 sumarioan inhabilitatu zuten, irailaren 16an. «Nahi nuke udaletik lanean segitzea Iruñea pluralago, irekiago, justuago eta zabalago baten alde, baina ez da posible. Orain kaletik», idatzi du Izkok. EH Bilduk salatu du «bere lana egiteagatik» zigortu zutela, eta Enrique Maia alkateari eskatu dio osteguna baino lehen egiteko Borja Izagirrek kargua hartzeko osoko bilkura.