Algortako mugimendu feministako bi kidek epaitegian deklaratuko dute bihar

GETXO. Bihar, Getxoko epaitegian (Bizkaia) deklaratu beharko dute Algortako mugimendu feministako bi kidek. Desobedientzia delitua egozten diete, «Ertzaintzaren lana oztopatzeagatik». Abuztuan, Algortako Portu Zaharreko jaietan, neska batek salatu zuen norbaitek ziztatu egin zuela. Hura laguntzera joan ziren mugimendu feministako bi kideak, baina Ertzaintzak identifikatu egin zituen. Mugimendu feministak manifestazioa eginen du bihar, 19:30ean, Telletxetik.