Aiaraldeko Euskalgintza Kontseiluak «konpromiso errealak» eskatu ditu

LAUDIO. «Ez, ezin gara euskaraz bizi instituzio publikoetan. Ez gara bigarren mailako herritarrak», arrangurazko mezu hori zabaldu zuen atzo Aiaraldeko Euskalgintza Kontseiluak. Horiek horrela, udal hauteskundeetan eragiteko kanpaina bat aurkeztu zuen; hizkuntza eskubideen urraketak salatu, eta alderdi politikoak «konpromiso errealak» hartzera bultzatuko dituzte. 42 entitate batzen ditu kontseiluak.