'Ahotsa.info'-ren kontrako salaketa bat artxibatu egin du Auzitegi Nazionalak

IRUÑEA. Espainiako Auzitegi Nazionalak artxibatu egin du Ahotsa.info hedabideari euskal preso politikoak terminoa erabiltzeagatik «terrorismoa goratzea» egozten zion salaketa. Espainiako Poliziak sartu zuen parte, 2018ko bi kasugatik, baina auzitegiak ebatzi du esamoldeak ez duela terrorismoa goratzen, ezta biktimak beheratzen ere, eta adierazpen askatasunak babestu egiten duela haren erabilera.