A/H1N1 gripeak bost lagun erasan ditu Nafarroan

IRUÑEA. Abenduaren 19tik 25era arteko astean bost lagunek harrapatu zuten A/H1N1 gripea Nafarroan, eta horietako bi, gainera, larri egon ziren. Oro har, gripe kasuek nabarmen egin zuten gora, eta epidemiaren muga gainditu zuten. Epidemia gisa hartzen da 65 kasu izanez gero 100.000 biztanleko, eta, lehengo astean, 78,04 kasu izan ziren 100.000 biztanleko. 45 urtetik beherako adin tarteetan eragiten ari da aurten gripea batez ere, Nafarroako Gobernuak emandako datuen arabera.