AEM Amnistiaren Aldeko eta Errepresioaren Aurkako Mugimenduak salatu duenez, joan den ostiralean lagun bat atxilotu eta askatu zuen Guardia Zibilak Basaurin (Bizkaia). Ez hori bakarrik: etxean zuen material informatikoa ere atxiki zioten. Mugimenduaren arabera, sekretupean dago atxiloketaren arrazoia.
AEMk, gainera, jakinarazi du Poliziak itxi egin duela beren webgunea. Salatu dutenez, «Guardia Zibilak Amnistiaren Aldeko eta Errepresioaren Aurkako Mugimenduari egotzi nahi dio» atxiloketa.
Horren aurrean, AEMk «deuseztatuko gaituen errepresioaren aurrean» antolatzeko eta borrokatzeko deia egin du, eta amnistiaren eta euskal estatu sozialistaren aldeko aldarria egin du beste behin ere.
