Adostasunik ez Bermeoko alkatetzari buruz

BERMEO. Bermeoko (Bizkaia) udal gobernuaren lehenengo lan eguna izan zen atzo, eta EH Bilduk jakinarazi zuen Nadia Nemeh Shomaly aukeratu dutela alkategai, zerrendako bigarrena. Gogoratu zuenez, alkatetzaren alderdi ordezkatzailea nor izango den adieraztean, Guzan plataformak «baiezkoa» eman zion EH Bilduri. Horregatik, defendatuko dute «EH Bilduko hautagai batek izatea Bermeoko alkatetza». Guzanek, ordea, esan du «gobernabidea bermatzeko hartu behar diren erabakiak» hartuko dituela, baina argi utzita aginte makila Xabier Ortuzar behin-behineko alkatearentzat litzatekeela.