Gizon batek adingabe bati Gasteizko Zabalgana gizarte etxean egindako sexu erasoa salatu zuten atzo iluntzean. Itaia emakumeen antolakunde sozialistak eta Zabalgana Batuz auzo elkarteak egin zuten deialdia: «Gaur egun, ideia erreakzionarioen gorakadarekin, gero eta gehiago dira matxismoaren ukapena defendatzen dutenak. Hori ikusirik, erasoen kontra erantzun irmoak eman behar dira, guztion ardura izanik hori aurrera eramatea».
Itaiak erasoen aurka antolatu beharra azpimarratu zuen: «Ezinbestekoa da eraso orori erantzun irmoak ematea, kalean halakoen gaitzespen soziala gorpuzteko».