Adingabe bat larri dago Gasteizen, atzo eraikin bateko teilatutik erori eta gero. Ertzaintzak 22:00etan izan zuen ezbeharraren berri, eta, gaztea larri zaurituta aurkitu ondoren, Txagorritxuko ZIUra —zainketa intentsiboetako unitatera— eraman zuten larrialdi zerbitzuek. Antza denez, zauritua beste gazte batzuekin zegoen teilatutik erori zenean, eta zehazki zer gertatu zen ikertzen ari dira orain.
Eraikina Gasteizko Arana auzoan dago, eta bertako klinika izandakoa da. Espainiako Gobernuak 2023an onartu zuen Arana klinika izan zena errefuxiatuentzako zentro bilakatzeko lizitazioa, eta iazko uztailean hasi zituzten eraberritze lanak.
