Eduardo Zubiaurre Adegi Gipuzkoako enpresaburuen elkarteko presidenteak jakinarazi du enpresaburuek azkeneko asteetan ez dutela ETAren gutunik jaso zerga iraultzailea eskatuz, eta pozik agertu da horregatik. "Badirudi ETAren estortsioa iraganeko kontua dela", esan du Zubiaurrek gaur, ETB2n. "Zorionez, enpresaburuok pairatu izan dugun indarkeria mota hau garai bateko kontua dela dirudi".
Miguel Lazpiur Confebask EAEko enpresen konfederazioko buruak ere atzo zioen ez dutela erakunde armatuaren halako eskaerarik jaso azkenaldian.
ETAk urtarrilaren 10ean su-eten iraunkorra, orokorra eta egiaztagarria eman zuen.
