Gaur hasi da Sarek antolatu duen hirugarren bizikleta itzulia. Goizean hasi dute martxaren lehenengo etapa, eta Lekunberritik (Nafarroa) aterata Hernanira (Gipuzkoa) iritsi dira. Etzi amaituko da bizikleta martxa.
[Youtube]https://youtu.be/jzO5MeBGZRs[/Youtube]
Sarek aurreko bi urtetan ere antolatu du itzulia, baina, aurten, koronabirusaren ondorioz, zenbait neurri hartu dituzte: esate baterako, hiru egunera murriztu dute martxa, eta hiru etapa independente antolatu dituzte. 24an, Urduñatik Durangora (Bizkaia) joango dira, eta, azkeneko egunean, Basauritik Bilbora (Bizkaia).
Lehenengo etapa baliatu du Sarek Itxaso Zalduaren «atxiloketa bezelakoek lekurik ez daukatela» aldarrikatzeko, baita «motxiladun haurrak pairatzen ari diren zigor gehigarria» salatzeko ere. Izan ere, aita, ama edo bi gurasoak kartzelan dituzten umeek sei hilabete daramatzate gurasoak ikusi gabe.
Iritsi gara Hernanira. Gaurko etapa betea. Gogoratu bihar 9.00etan Urduñatik Durangora bidea egingo dugula. Anima zaitez! #IzanBidea#IbiltarienSareapic.twitter.com/ADh0qRhlA5
— Sare #IzanBidea ↗ï¸Â (@sare_herritarra) July 23, 2020
